Klappelied 1990

 

Mir sin e bsunderi Gsellschaft hit,

dr Club zer alte Klappe,

mir schwärme vo dr alte Zyt,

vom Gross- und Urgrossbabbe.

 

Refrain:

Drum fillet d’Gleeser bis zem Rand

und bänglet d’Sorge jetzt an d’Wand,

hit sin mer mitere Kappe,

im Club zer Alte Klappe.

 

Mir halte’s alte Basel hoch,

im Club zer alte Klappe,

und s’Baseldytsch isch unseri Sprooch,

solang mer kenne schnabbe.

 

Mer pfläge Basler Tradition,

mit Gschichte und mit Lieder,

vom Babbe erbt’s emol dr Sohn,

eso git’s Klappe-Brieder.

 

Die alte Brych sin uns nit wurscht,

im Club zer alte Klappe,

mir fyre und mir hän au Durscht,

und aine uff dr Kappe…

 

Iiber hundert Joor gits unsere Bund,

und gheyt nit us de Schlabbe,

mir blybe Quain quain quain no gsund,

im Club zer Alte Klappe.